 |
| الشاعر المتألق رائد ابو فتيان |
للمبدع الشاعر رائد ابو فتيان
من الله استحي ما ادعي ابد عالناس...
ولو طعنات ناسي بكلبي حيل اهواي....
الخالق طيبة امي ونغمة العصفور ....
حنين اشلون اكله ابحقدي صير وياي...
اودعنه لبجي حتى الطعني وراح...
وروحة بلايهرجعه ماكلت لعداي....
جهنم ماتخوفه العنده اماني اهواي...
رحت للراعي ابوكه وجان بيدي السيف....
بس رديت اناشغ من سمعت الناي.......
انا ابن الخير واكرم رغم شحت الخير ....
فره وليعتنيلي يشبع بملكَـاي ...
ابو ضحكة عريضة بوجه كل الناس ...
وحتى لجأي يغدر مانطيتا كفاي ....
وعمر على سفره ربعي ومالح يصيحون...
وكَـل لأمي بعد خل نحط ملح بلمـأي ....
وغدروني وفيت من امي راضع طيب ....
ولشتم هوى بابة يغزر انا وياي ...
شروني وحاسبيني بيش راح انباع ...
وانا من اشتريت بنية الجناي ...
المصيبة بلا ثمر صفصافتي يكولون ...
ومن تكبل شمسهم ياكلون فياي ...
وماهموني من كد ماواثق من الروح ...
بصوتي لمو حلو يطرب الناس غناي ....
باأرض ضحكة ودمع شاتلني رب الكون ...
وصعب كلش تعيش بلحظة هاي وهاي ...
العمر خلص بسجة وسفر هاي الناس ...
أبجي على لمشوا واضحك بوجه الجاي ...
ولمن مال حملي صيحت ياحيف ...
وحافي بنص كزاز وكملت ممشاي ...
أنــــــــــــــا ماسح دمع بس ما مسحت جتاف ...
ودوة الذلة رفضتا بسد كرامة وذاي ...
وممأدي لتحية لأي خشم مرفوع ....
ولليأمرني غصباً ماكلت من هاي ...
همي يصير دنيا ومن اصلي ارتاح ....
وعلى لمصلاية حصراً من اهد بجاي ...
بس لخالقك يفهم دموعك ليش...
بس يم الخلك تتلقب البجــــــــــــــــاي ....
بس يم الخلك تتلقب البجــــــــــــــــاي ....
بس يم الخلك تتلقب البجــــــــــــــــاي ....
نترككم مع الفديو بصوت الشاعــــر
