التشائم لنا عادة والبؤس للموت او الشهادة :/

قصة المتاشائمين لي صادفوني اليوم في احدى وسائل النقل في ‫#‏بغداد‬
المتشائمون هم رجل كبير ومراءة كبيرة | وشاب بعمر ٣٠ قائد التشائم

بدت القصة بعد صعودي بكوستر من ساحة الرصافي وسط بغداد الى البياع ورغم كل ما مرينا بيه من مأساوية اني متفائل

الشاب المتشائم : حجي رحمة على والديك متكولي هذا ابو الكوستر شوكت يطلع مو موتنا
الحجي عمي لا هذا احسن من الكيا على الاقل مشغلنا تبريد وحكومي
المتشائم : من حكومي لعد ميسون الكروة 500 دينار شكو ا1000 يعني هل حكومة ومتساعد شعبها بربك حجي بله هذا حجي .
سمعهم السايق كلهم عمي لي معاجبه ينزل اكو امانة ( مصلحة نقل الركاب ) هم مشغل تبريد وهم بخمسمية وتكدرون تكعدون فوك وجو حلو كيفكم . كول سكتوا ونلصموا ههههه
صعدت الحجية وكعدت يمهم وهسه كملت السبحة بعد خالي خالك ...

المتشائم شاف بسطية مال كتب حجي تدري التعليم خرب بهل وطن رد عليه الرجل الكبير عمي كل شي خرب هذا البلد خرب كل شي بي خرب
رجع هو كاله اي عمي بدليل صف ثاني ابتدائي ينطوهم علوم بي الدورة الدموية والكريات الحمرة ومدري شنو ، فاصل من الحماوة عمي اني من جنت بالثاني ابتدائي دار ودور نص سنة يمتحنونا بيهم شفوي !!!
حماوة حماوة جيت اشتريله مي بارد على حسابي
نطت العجوز اي خالة هاي بت بتي خطية خامس وعدهم انكليزي يعني هيه مال انكليزي يا خالة هو رد لا خالة هو كل شي خرب بهل عراق يردونا نرجع لي ورى ميردونا نتقدم | شنو الربط بين تطور المناهج والعودة الى الخلف محد يدري مالكم علاقة بس كولوا يا الله ههههه |

خالة انتي تصدكين كل وزير يجي يسويله كتب على مزاجه هي يا الله عبالك احنا مطاية حشاكم هذه المناهج لي تخبل ولي طلعت من عدنا علماء ومفكرين معاجبتهم هسه !!! يعني العالم يبقى على دار ودور حتى يصير عدنا علماء !!! اني ساكت ولا راح احجي

لمهم كملت سالفة التعليم بلشت سالفة السيطرات ولسياسة
حجي شوف شوف هاي لسيطرة بلة شنو فايدتها الحجي كاله عمي لا فايدة ولاصخام الحجية لبارحة جان ضبطوا الوضع مو يومية مفخخة ويرحون من عدنا 140 | حديث الشارع كذبة داعش وجماعة المختار | لي صدكها كل العراق بمزاجهم هسه .

كول وصلنا يم الزوراء وهنا مفارقة خيالية ههههه
شاف اعلان مال سكة الموت افتتاحها يوم غداً كال شوف شوف حجي فرحانين جماعة راح يفتحونا سكة الموت هي يا الله ناس وين واستغفر الله ما اريد اكمل المثل خاف ناس تفهمني خطآ ما طنبورة | هو ميريد يكمله لو شارح قصته للمثل احسن من ما سوا هيجي |
لحجي : عمي صدك تحجي هاي عالم بطرانه الله ميعرفوه يعني شنو ربط بين الله وسكة الموت ما اعرف شنو ربط بين الله ومعرفته والزوراء اتصور نفس احجية احمد راضي وعلاقته بالدولمة smile emoticon

رجع شاف بنات تدخل الزوراء كال اي محشكات بالبناطير وداخلات للزوراء شكو بعد عمي انت شعليك محد كاله اله حتى اني ساكت ههه
كاله الحجي اي عمي جيل فاسد وهسه جيل الحجي جان كله انبياء
هنا لحجية فتت بيها كالت يمه هي هاي الزوراء كال عليها امير المؤمنين على عليه السلام ارض الفساد !!!!!!! اني عيوني صارت براسي على ابن طالب ما عنده شغل وعمل عليه السلام يحجي على حديقة الزوراء واذا ذكر الزوراء اتصور يقصد بغداد .

المهم اكو ازدحام كدام معهد فنون صرح البطل القومي كال هاي كلها صوج المعرض ميبطلون فشخره هل عالم مراح نخلص من هل جذب عود احنا بخير كدام العالم نسوي معارض واحنا عايشين بالضيم !!! صدك جذب ياربي هذا شبي ...
كاله الحجي عمي همه حمير لو ينقلون هل معرض لمطار لمثنى احسن ويسون ذني شقق سكنية كله يا شقق شوف شوف هذا البرج مال الحارثية ثبرونا بيه كالوا 35 طابق احسبهن هسه ميطلعن كلهن 9 طوابق وهنا متت ضحك ثلاثتهم كعدوا يحسبون 1,2,3,4,5,6,etc...

رجعوا علي الطماطة وليش منزرع بهل وطن
ناقشوا موضوع التصنيع العسكري
ناقشوا موضوع مستشفى اليرموك اخر شي نزل المتشائم وراه الحجي
ولحجية نزلت ويايه

خلف الله عليكم اي والله وحسبي الله بيكم لي هسه صوتهم براسي ولي هسه جاي اتخيلهم يحجون !!! frown emoticon

وفوك هل ضيم اني فرحان بكتاب جديد اسمه شركة ابل من الداخل وجاي اقراه unsure emoticon

هاي قصة اليوم ....